والفوتوجرافيا بعدسة : إسلام عواد
عندما قررت أن أسأل أصحابي سؤال العدد الجديد في مجلة قطر الندى خشيت أن يترددوا في الإجابة.. عندها قررت أن اقترح عليهم إخفاء المجلة عن عيني الكبار، ولكني بعد أن طرحت السؤال فوجئت بالكبار وقد تحمسوا للإجابة لدرجة أنهم ساعدوا أبناءهم على تذكر المواقف التي اضطروا فيها للكذب عليهم
هل تعلمون ما معنى هذا يا أصحابي؟
معناه أن باب الشمس مثلما يساعد الصغار يساعد الكبار أيضا في تقويم أنفسهم.
متى أو لماذا يكذب الكبار؟
يعملوها الكبار
إلهام عصام محمد( 15 سنة ) يكذب الكبار لكي يخرجوا من مواقف محرجة
قطر الندى: و لما يتكشف كذبهم... بيكون موقفهم أكثر حرجا، وشكلهم وحش قوييييي
روان عبد الله السيد ( 9 سنوات ) لما يكونوا موش عايزين يردوا على حد غلس في التليفون ويقولوا إنهم نايمين
الأختين الحلوين
* لبنى إسلام شفيق ( 7 سنوات ) بابا وماما بيكذبوا لما يكونوا عاوزين يقنعوا أختي سلمى بحاجة
قطر الندى: سلمى فقط لكن إنتي لأ .. لأنك عاقلة وكبيرة... موش كده يا لولو
ودي لبنى اللي كشفت مامتها
وباباها لكل الناس
* مي عبد الواحد محمد ( 8 سنوات ) ماما بتكذب لما تقول لأختي ميار انها هتركبها التوكتوك عشان توافق تغير هدومها
وراك وراك
عبد الله حلمي خيري ( 10 سنوات ) لما يكونوا مسافرين وموش عايزين ياخدونا معاهم
قطر الندى: هو انت وراهم وراهم ؟ سيبهم ياخدوا نفسهم من غيرك يا أخي
آية طارق سيد ( 9 سنوات ) لما بابا بيقولنا واحنا في كندا سافروا مصر وأنا هاجي وراكم وهو ميجيش
قطر الندى: شوف انتي بتعملي إيه في بابا عشان كده ما بيصدق ويخلص منك
أحلى مر
محمد محمد فهمي ( 12 سنة ) لما ماما تقولي وأنا باخد الدوا إن طعمه حلو ويطلع مر
قطر الندى: تلاقي ماما عايزة تدوقك المر اللي بتشربو لها كل يوم.
هناك 24 تعليقًا:
أفكار جميله
رسومات جميله
أمنياتي
الفكره مش في الكذب
الفكره في استباحه الكذب
صباح الورد
تدونية شقية وجميلة
احييك أستاذة أسماء
وشكراً لمرورك وتوقيعك
..
محبة دائمة
من غير عنوان
شكرا على إطراءك
شرفت مدونتي يا صديق الاصدقاء
وانت عندك حق الفكرة موش في الكذب لأننا ممكن نكذب كذبة موش شريرة بس على شرط ان دي متكونش فلسفتنا
انت عارف ان الكذب عند بعض الناس منهج واسلوب للحياة
شكرا على مرورك الكريم
محمد العشري
مبروك روايتك الجديدة
متشكرة على مرورك
بس لغاية دلوقتي انت مجوبتش على السؤال انت بتكذب امتى؟
يالا خليك شجاع وارجع تاني وجاوب ببساااااااااطة قوي
متخفش كلامك هيبقى سر وموش هقول لحد
* انا كنت فاكر انك قصدك.. أضفتك في القائمة الجانية..
* لم أفهم أنك تقصدين أن أذكر متى كذبت ولماذا...
* أحاول ألا اكذب دائما..ممكن أعرّض ( أي لا أذكر الحقيقة بعينها)يعني لو حد سألني إنت فين ومش عايز أجاوب : بأقول في مشوار..
وهكذا...
* قد يكون المسلم كذا وكذا إلا أن يكون كذابا، كما أوصانا حبيبنا محمد عليه الصلاة والسلام
* حتى وإن كنت كذبت في صغري.. فأحاول ألا أتذكر.. من باب إذا بليتم فاستتروا
* لا يوجد كذب أبيض ولا أخضر ولا ألوان ( على الرغم من حبي الشديد للألوان).. الكذب .. هو الكذب...
أحييك على فتح باب النثاش حول الكذب.. وحاكتب عنه في ميعاده كلام لا يخرج عما كتبته لك...
أمنياتي
عجبتني صديق الاصدقاء دي
:)
مين فينا عمروا ما كذب
كلنا بنكذب
بس الخوف انها تبقي طبع فينا
انا بكذب لما اتزنق
موضوع جميل وشيق ومدنة جميلة
أحمد جمال
لماذا يكذب الكبار
يكذب الكبار علشان همه كبار
الله يفتح باب الشمس
علشان نعيش
أحمد جمال(ميخا)
أسماء
باشكرك جدا علي زيارة مدونتي البسيطة ، وعلي اهتمامك بيها . باشكرك كمان علي انك خليتيها من مدوناتك المفضلة .
أحمد
أحمد جمال
متشكرة جدا يا ميخا
انا عارفة دي اول مرة تدخل على مدونة
بس بالنسبة لأول مرة موش بطال
انتظر الزيارة القادمة
احمد عبد اللطيف
هلاوس
هلاوسك جميلة جدا وياريت كل كلام الناس يبقى هلاوس
لا شكر على واجب
واهلا ومرحبا بك دوما
أسما
حمدا لله على سلامتك بعد غيبتك
أن نعطي قدوة للاطفال هى عملية صعبة للغاية لأنها تعني أن علينا اصلاح اخطاءنا اولا قبل أن نصبح مثلا لهم
ليس فقط فى مسألة الكذب والصدق ولكن هناك أمور عديدة جدا واسئلة يسالها الاطفال لماذا يفعلها الكبار ولا يسمح لهم الاباء بفعلها بدءا من شرب الشاي الى السهر متأخرا الى النطق ببعض الالفاظ التى نرى ان الاطفال لا يصح ان يستخدموها بينما نحن نستخدها الى التعود على القسم بالله ـ الحلفان ـ و و و وأجد نفسي أحيانا حين أرى اشقائي وكيف يتعاملون مع اطفالهم بكل تناقضات الشخصيات اقول الله فى عونهم!
روزا الحلوة
عندك حق المشكلة في السلوك الي بيكذب موش بس اللسان
سلوكنااللي ببنهى عنه الاطفال كانه كذب عليهم بالضبط
زيارتك أسعدتني جدا
واسمك نور المدونة
دمت طيبة
اضحك الله سناك ماجمل والطف مدونتك لقد ضحكت على تعليقات البنات الصغار.بالتوفيق ان شاء الله
خوجة
اسم مدونتك جميل وكلما قرأت الاسم أجد كلمات اغنية يا خوجة البنات علمهم
شكرا على اهتمامك بالتربية والتعليم في مدونتك الجادة جدا إلى حد الإكبار
وشرفت مدونتي
السلام عليكم
العزيزة والحبيبة /أسماء عواد
وحشتيني والله ووحشتني مدونتك الحبيبة
واعذريني لم أرد عليك من فترة لإنقطاعي عن التدوين لظروف خاصة
لكني سأتابع أكثر الفرتة القادمة
واتمنى لك التوفيق والسعادة والحب انت وجميع مجرمين المدونة
سلام ياحبيتي
جهاد مشالي
حاجات عيال
حمدا لله على سلامتك
يا ترى اشتريتي عروسة المولد و لا لأ؟
انتي كمان وحشتيني جدا
كل سنة وانت طيبة
هو مين البني ادم الظريف خفيف الدم اللذيذ اللي بيرد باسم قطر الندي ..
"تلاقي ماما عايزة تدوقك المر اللي بتشربو لها كل يوم."
"شوف انتي بتعملي إيه في بابا عشان كده ما بيصدق ويخلص منك"
يعني ايه ده ؟؟ .. أطفال في سن 9 و 12 سنه .. يتقالهم كده ازاي .. ثم ان
انتي مش بتتكتب انتي بتتكتب انت وتحتها كسره .. ممكن في تدويناتنا نكتب ونغلط .. انما لما يبقي الكلام موجه للنشئ .. ياريت نراعي قواعد اللغه .. عشان ما تصبهمش خيبتنا
تحياتي
عقل مهوي
شكرا على زيارتك مدونتي
احب اعرفك ان انا الظريف اللي بيرد على الأطفال بالشكل ده
ولكن لكي لا تتسرغ وتتهمني بعدم العقل
هذه الاسئلة كانت تنشر في باب ثابت للأطفال اسمه باب الشمس في مجلة قطر الندى للأطفال
هذا الباب له فلسفة الفكاهة
وكنا نتعمد وضع أسئلة غير تقليدية ونقوم بنشر الإجابات الغير تقليدية من الأطفال
حتى أن رسام الكاريكاتير كان يرسم كاريكاتير لهم على إجاباتهم
وقد كان بابا ناجحا جدا ومقروءا من الكبار والصغار وكان يهدف الى القاء الضوء على فكر الصغار وتنمية الرؤية النقدية لديهم
أعذرك لأنك لم تقرا الباب في المجلة التي تشرح فلسفة الباب
وبالرغم من كل هذا
شرفت مدونتي
لكل هذا فانتقادي في محله .. مجله مقروءه .. باب ناجح .. يقراه الكبير والصغير .. الردود مؤلمه للطفلين
لكني مدين باعتزار .. أسف :)
وأنت يا عزيزتى.. متى تكذبين.. ولماذا؟
أكذب عندما اريد أن اخفي امر أشعر أنه خاص بي جدا.. حفاظا على خصوصياتي ويرغب الأخرون في معرفته.
وأكذب عندما أصلح ما بين اثنين وبالأخص لو كانا زوجين.
إرسال تعليق