الأربعاء، نوفمبر 12، 2008

يا كسوفي



متى تشع
ر بالخجل؟


قطر الندى : نحن نتحدث اليوم عن الخجل المطلوب .. ذلك الذي قد يعني أحيانا الحياء أو الكسوف . وقديما قالوا أن لم تستحي فاصنع ما تشاء، وقالوا : الحياء نصف الدين ، وفي المثل الشعبي اللي استحوا ماتوا ..ولكن !! ترى يا أصحابي متى يتحول الخجل إلى مشاعر مؤلمة ومصدرا من مصادر الضيق ؟


تعظيم سلام
سارا محمد الدسوقي ( 8 سنوات ) أشعر بالخجل لما ماما تقول للناس اني بعمل ببي في السرير بس اوعي تنشري الكلام ده ولا اقولك موش مهم انشريه
قطر الندى : صراحتك تستحقي عليها نيشان، ولكن هل هي جرأة أم عدم اكتراث؟ (( بيني وبينك موش خايفة اصحابك يقرأوا المجلة وينكشف المستور))


آباء مزعجين
سلمى اسلام شفيق ( 4سنوات ) أشعر بالخجل لما أكون في فرح وبابا ياخدني يعرفني على كل الناس
قطر الندى : أمال بقى لو كنت عروسة كنت هتعملي ايه؟
محمود طارق السيد ( 11 سنة ) أشعر بالخجل لما بابا يهزأني قدام أصحابي
قطر الندى : المفروض إن بابا هو اللي يشعر بالخجل يا محمود موش انت (( طبعا انت لن تخبر بابا بما قلته كي لا يرسلنا معا وراء الشمس))
عفاريت آخر زمن
ايمان محمود أمين ( 7 سنوات ) يشعر الأطفال بالخجل لما يكون عندهم ضيوف
قطر الندى : أشك في كلامك يا إيمان فالمتتبع لحالات الضيافة يلاحظ أن الأطفال ياخدوا راحتهم جدا لما يكونوا عندهم ضيوف
نورا أحمد عبد المنعم ( 13 سنة ) أشعر بالخجل لما أروح أزور واحدة صاحبتي وأكتشف انه يوم عيد ميلادها وأنا مجبتش معايا هدية
قطر الندى : اممم.. هل انت متأكده من أنك لم تكوني على علم بتاريخ ميلادها .. على العموم أنا اعذرك فالأسعار أصبحت مرتفعة جدا هذه الأيام
ياكسوفي

لبنى اسلام شفيق ( 7 سنوات ) اشعر بالخجل لما حد كبير يقولي تتجوزيني
قطر الندى : أكيد بطيري من الفرح لما حد صغير يقولهالك
بسملة طارق بدوي ( 8 سنوات ) أشعر بالخجل لما أكون في رحلة لقلعة قايتباي وحد من الأجانب يقولي : هالو
قطر الندى: كل ده عشان كلمة هالو ؟ أمال لو سألك هاو آر يو كنت عملتي إيه أكيد كان هيغمى عليكي من الكسوف

يا للعار
شريف عبد العزيز ( 11 سنة ) أشعر بالخجل لما أخلع الحذاء قدام حد ويطلع منه رائحة سيئة
قطر الندى : معلومة لجميع أصحاب الأحذية ذات الرائحة الكريهة .. ضع الحذاء في كيس محكم وأغلق عليه الثلاجة لمدة يوم واحد .. ستتخلص من رائحته لمدة اسبوعين .. (( بس اوعى تنسى وتفكر انه فرخة مشوية ))
يارا محمد الدسوقي ( 9 سنوات ) أشعر بالخجل عندما يسخر منهم الآخرون
قطر الندى : يا سلام وانت بتعديها كده من غير ما تاخدي حقك طيب فين الشقاوة والإجرام والأسلحة الأخرى

هناك 23 تعليقًا:

blackcairorose يقول...

هذه الأحاديث أثارت فى نفسى مجددا احساس ينتابنى كلما تحدثت مع أطفال هو أنهم عادتا يفاجئونى ـ من خلال ردودهم ـ بمستوى ذكاء أعلى مما تصورته، وهو طبعا خطأ فى تقديرى أنا بالدرجة الأولى

والشعرة رقيقة جدا بين مستوى الذكاء غير المتوقع منهم، وبين بعض الافلام والمسلسلات التى تصور الصغار على أنهم فلاسفة المستقبل وتجعلهم يتحدثون بحكمة لا تتطابق مع اعمارهم، هذا الفرق دقيق جدا ونادرا ما تدركه او تصوره الاعمال الفنية بشكل صحيح

خالص التحية

Ahmed يقول...

كثيرا مما قيل يشعرني بالحرج
ليس فقط الأطفال

غير معرف يقول...

اشعر باخجل لما امشى فى الشارع و التحجيبه مش مظبوطه

غير معرف يقول...

اشعر بالخجل لما امشى فى الشارع و التحجيبه مش مظبوطه او لابسه ملابس مش عاجبانى

أسما عواد يقول...

روزا
ما تقرأينه هنا من اجابات الأطفال ليست كل ما لدي منها.. هناك بعض الاجابات التي تجعلني اتجمد من الصدمة كمن اصيب بماس كهربائي
هل تعلمين انهم بالفعل فلاسفة ولكنهم غير منظرين وغير مدركين لهذه الفلسفة
مثل الفرق بين الحجر الخام من الماس وبعدما يصقل

ربما هم لا يعلمون انهم يملكون في نفوسهم احجارا خاما ...وعندما يدركون يكونوا قد غادروا براءتهم الى مرحلة اخرى شكرا لزيارتك ونورتي باب الشمس

أسما عواد يقول...

رنا
ولا يهمك
ممكن تمشي بالتحجيبة في الشارع وهيا مظبوطة لكن تلاقي الشارع هو اللي موش مظبوط
ولا أي حد حاسس بالحرج
نورت باب الشمس

أسما عواد يقول...

الاستاذ أحمد
اول مرة تشرفني بالزيارة
انت عندك حق كثير من الاشياء التي نظن انها تحرجنا وحدنا تحرج الآخرين
شكرا لمرورك

رفقة عمر يقول...

ماشاء الله بجد اطفال اذكيه جدا
واحيانا بتخرج منهم حكم فعلا باحس دة فى حوارتى احيانا مع اولاد اخواتى

شادي أصلان يقول...

تلقائية وصرائحة ووضوح هذا هو فعلا ما فقدناه مع سنوات عمرنا الفائتة

أسما عواد يقول...

رفقة عمر
انا أتعلم من الصغار اكثر مما اتعلم من الكبار
شكرا لمرورك

أسما عواد يقول...

شادي أصلان
كثيرا ما استوقفتني هذه الكلمات التلقائية والبساطة البراءة
هذا ما افتقدناه طوال سنوات عمرنا
هل فقدناها بسبب العلم والخبرات التي حصلنا عليها في المقابل
يأتي المكسب على قدر الخسارة
هذه هي العملة التي اتعامل بها الىن مما يجعلني اتقبل خسارتي بلا إحباط
شكرا لمرورك

حاجــ عيال ــات يقول...

أشعر بالخجل عندما أتعلم من صغيري
حبيتي أسماء عواد موضوعاتك وطريقة عرضك لها شيء ممتع وهادف بشكل جديد وهذا أعتبره يسعدني في ما اهدف إليه
تحياتي وتقديري
جهاد مشالي

Mahdi Mahdi يقول...

الاخت الفاضل لو هذه الدراسة تمت بالفعل ـ تكون غاية فى الابداع اما اجابات ، قطر الندي فغير موفقة
تحية وشلام

saadebaid يقول...

تلقائية الاطفال وصراحتهم تعطيك فكرة التعلم منهم ليس فقط من الاستبيان ولكن تعلم من الطفل الصراحة الطفل لا يخفي مشاعره ويعبر عنها بتلقائية لو احنا الكبار عبرنا عن مشاعرنا بتلقائية هيكون اجابتنا ايه

أسما عواد يقول...

حاجات عيال
جهاد مشالى
شرفت مدونتي يا جميل
انا وانت جيران موش بس في المدونات بل وفي المحافظات ايضا
وفي الاهتمامات يعني ببساطة انا وانت على خريطة واحدة عيال يعني

Mina يقول...

العزيزة اسماء
دعوتيني منذ فترة للاجابة في مدونتي للاجابة علي اسألة باب الشمس ونظرا لاني كنت مشغول فاني اعتذر لعد الرد في الفترة الماضية
واسمحي لي الاجابة علي اسألتك الجميلة اللطيفة في كل موضوع علي حدي
(طبعا اجاباتي مش هاتبقي في حلاوة ولا جمال اجابات الفلاسفة الصغننين بس انا هاحاول اقول اللي يخطر علي بالي)
وعذرا للاطالة لان المواقف كتير قوي

متي تشعر بالخجل
طبعا سؤال خبيث قوي من قطر الندي وربنا يسسسسسسستر
المواقف اللي الواحد بيتعرض فيها للجل كتيرة جدا منها علي سبيل المثال
1- انا من عادتي اني بانسي بسرعة قوي وذاكرتي ضعيفة خصوصا في الاسماء واكتر المواقف المحرجة اللي باتعرضلها اني اقابل حد من اصحابي قوي واحاول افتكر اسمه وانا باسلم عليه وما اعرفش وياسلام بقي لو قلت اسم وطلع مش هو بتبقي حالة
بس اكتر حاجة بتنقذني في المواقف دي (ازيك ياباشا عامل ايه ياريس واحشني يامعلم )

2- لما المدير بتاعي في الشغل يدخل عليا ويلاقيني بالعب (زوما ) ويخرج بسرعة علشان الغيها وكأنه ما اخدش باله علشان مايحرجنيش (راجل زوق بصراحة ) وبعد شوية يرجع تاني يلاقيني لسة بالعب زومة
(ادمان بعيد عن السامعين )

3- لما اركب اتوبيس النقل العام (بتاع الدولة مش الشركات الخاصة _وهاتعرفوا اشمعني في الاخر _) وانا مخنوق والكمسري الرزل يقولي رايح فين يا استاذ وما اعرفش ارد عليه وافضل متنح شوية وفي الاخر اقوله اخر الخط (طبعا باكدب عليه )
4- لما ادخل مطعم واتجعص قوي واطلب واحد فول من غير سلطة خضرا والراجل يبصلي قوي ويقولي ماعندناش تلفزيونات واخرج من المطعم وانا بالعن البانجو واللي بيتعاطوه وابص ورايا علي يافطة المطعم الاقي اسمه كنتاكي ....... (لا تعليق)

فيه بقي مواقف محرجة جدااااااا حصلت معايا ومش قادر انساها ابدا منها

1- كنت في بلد غريب وحبيت اشتري عيش نزلت الشارع ورحت لاقرب محل لقيته قدامي وقلت للراجل ب2 جنيه فينو ياباشا . الراجل بصلي بصة غريبة قوي وقالي مافيش طبعا استغربت قوي من بصة الراجل ليا وماله بيكلمني بقرف كدة ليه سيبته ورحت لفرن كان قريب منه ووانا راجع بابص ناحية المحل ده لقيته بتاع مبيدات حشرية ............... (ماحدش يضحك انا باقول اهه)
2- مرة كنت انا وواحد صاحبي في سنما والدنيا كانت زحمة قوي واحنا خارجين وكنا ماشيين في طابور طويل وصاحبي كان ماشي قدامي فحطيت ايدي علي كتفه علشان ماكنتش عارف احطها فين من الزحمة (عادي يعني بتحصل كتير ) ولما خرجنا برة الضلمة ووصلنا للنور لقيتني حاطط ايدي علي كتف بنت ما اعرفهاش _طبعا عملت عبيط وجريييييييييت _ (شايف واحد هنااااك اهوه بيقول اني كنت عارف وعامل عبيط )
3- اكتر موقف محرج بقي اتعرضتله في حياتي كان من حوالي 3 سنين لما دخلت المستشفي اعمل عملية كبيرة (هاتفرق يعني كبيرة ولا صغيرة يالله ماعلينا عدوها ) ولقيت ناس اصحابي ماشفتهمش من زمان قووووووووي بيزوروني في المستشفي وكنت هاموت واعرف هم عرفوا منين
المهم لما خرجت من المستشفي وشفتهم بعد حوالي شهرين سألتهم انتوا عرفتوا ازاي فواحد منهم قالي ان والده كان في العناية المركزة بتاعة نفس المستشفي وهو شافني وانا داخل العمليات
فتلقائيا وعادي جدا سؤال منطقي خطر علي بالي ...... ووالدك عامل ايه دلوقتي ؟؟؟؟؟؟؟
قالي الله يرحمه
انا ضربت لخمة وماكنتش عارف اقول ايه (موقف محرج جدا علي فكرة واي حد مكاني كان هايتلخبط )
بس اللي حصل معايا كان مختلف
لقيتني باقوله يالله مش مهم ................. قصدي في داهية .......... سوري سوري بجد مش قصدي انا اقصد يعني خد الشر وراح ........................................
هو ضحك وحاول يلطف الموقف وقالي ماتاخدش في بالك انا فاهم
واحد صاحبنا تاني ربنا يجازيه بقي قالي الاربعين النهاردة بلليل تعالي نعزيه علشان انت ماعرفتش وقت الوفاه قلتله طيب قبل اي حاجة المفروض اقوله ايه لما نروح
قالي هم كلمتين ساهلين خالص
البقية في حياتك وتعيش وتفتكر
فضلت من ساعتها لحد ماجه الميعاد اللي اتفقنا عليه عمال اقول البقية في حياتك تعيش وتفتكر البقية في حياتك تعيش وتفتكر البقية في حياتك تعيش وتفتكر
واول ماشفته قلتله اهلالالالالالالالالا ازيك ياراجل كل سنة وانت طيب تعيش وتاخد غيرها
......................................................(اي حد هايشتم هو حر )

من غير عنـــوان يقول...

دائما في تقدم وإزدهار يا صاحبة الأطفال


تحياتي

Mina يقول...

الجميلة اسماء
كل سنة وانت طيبة وبخير وصحة ويارب عيد سعيد عليكي وعلي كل الاسرة والاصحاب والاحباب ويارب دايما شقية ومتألقة انت وعيالك كلهم هههههههههههههه
تحياتي

أسما عواد يقول...

منامينو
اول ما شفت التعليق بتاعك قلت يا نهار ابيض كل ده ولما خلصته قلت يا خسارة ده بس
كان نفسي يكون اكتر من كده
انا ضحكت كثير جدا على كل المواقف دي
بس اللي محيرني سؤال يا ترى انت كده على طول في كل حياتك ولا هيا دي بس المواقف اللي ضربت فيها لخمة
طبعا اؤكد على لخمة كي لا تقرا لحمة واحنا في العيد كل عام وانت طيب انت وكل اسرتك واصدقائك

أسما عواد يقول...

منامينو
اول ما شفت التعليق بتاعك قلت يا نهار ابيض كل ده ولما خلصته قلت يا خسارة ده بس
كان نفسي يكون اكتر من كده
انا ضحكت كثير جدا على كل المواقف دي
بس اللي محيرني سؤال يا ترى انت كده على طول في كل حياتك ولا هيا دي بس المواقف اللي ضربت فيها لخمة
طبعا اؤكد على لخمة كي لا تقرا لحمة واحنا في العيد كل عام وانت طيب انت وكل اسرتك واصدقائك

Mina يقول...

حالنا وحال اللي زينا كتير وفيه ناس كتير بتعمل افظع من كدة
المواقف اللي حكيتها دي الشوية اللي افتكرتهم بس
هههههههههههههههههههههههههه
لكن انا اصلا طول عمري كدة
حياتي كلها زهايمر
انا ايام ماكنت في الكلية كنت باكتب مواعيد الامتحانات في ورقة وحطها في جيبي علشان ما انساش وساعات كنت اطلع الورقة من جيبي وابص فيها كويس واحاول المواعيد دي بتاعة ايه ما افتكرش اروح مقطع الورقة وراميها
علشان كدة قعدت في الكلية سبع سنين
هههههههههههههههههههه
متشكر علي الزيارة
واستني مني قريب الرد علي باقي الاسئلة بس لما افوق شوية وكل سنة وانت طيبة

أسما عواد يقول...

من غير عنوان شكرا لتشريفك مدونتى
وكل عام وانت بخير

أرابيسك للترجمة والنشر يقول...

حلو الشغل ده. أطفالنا محتاجين كتير. أطفالنا أجمل حاجة في الدنيا؛ تعرفي أني بموت في مصر أكتر وأكتر لما بشوف عيالها. يارب نعرف نفوت لهم وطن حلو بحجم جمالهم.