الجمعة، أكتوبر 24، 2008

صلاة محمد أبو زيد

صلاة الخوف / الشاعر محمد ابو زيد
يا أيها المزمل
الخوف شلل وانت اللي مزّمِّل
هذا الطريق واعر صعيب
راح تمشي وتْكَمِّ
لولا ح ترجع للوجل تبكي وتتجمل
قبل الدخول رتِّل
يا أيها المزمل

البحر واخدني لموجة ف إثر موجه
والشط مش غازل أمل
عوجه وعصايتي مش
عصافيري طرشه زي انا برضه
ما بسمعشي ندا غير الوطن يصرخ من
الحوجه وبيهمل
يا أيها المزمل

هذا الوطن ساب العيون وْ هَْج
قلبي وقت امّا صحي وانا
اترج منُّه رج
طالع لفوق سابع سما
نازل لسابع فج
اللمون خاف فانطفى وعد
والنور رفض يرجع يفج
محج هو البكا يا عين دوا يرجع لي أوطاني
ولاسلاحي اللي دبل
ولا هعاود للسرير الدافي واتزمل
يا أيها المزمل

صلوا على خير الأانام
أنا طه جاني في المنام

خلص الكلام
والنور حمام
رفرف في وشك يانبي
غرقني ضيّك في هواك
رجعني من تاني صبي

ضحك الصباح لما التقى نورك بيرمح في الفضا
بيوضي مطرح ما خطا
سجد المدى
شكرا لرب الكون لإنه أبصرك
نادى عليك : ما أجملك
ما أطهرك
وناديت أنا:
قتلوا البراق اللي حِبِل شمسين ليا
سكروا بدموع الأوليا
طفوا تاريخ الأنبيا
فوق الشفايف
أما أنا
أنا اللي خايف
مني أنا
جسمي طليق والخوف أنا
الخوف حيطان جوايا تتهدّش
الخوف وطن وسجون ما تتعدش
الخوف خرس تسمع وما تردش
الخوف قانون حدِّشْ يِكَلِّم حَدِّش
ْالخوف بيتفتش
أنا أعمى لكن شايف
........أنا
أنا خايف .....
نظر الرسول وطول النظرات .. بِعِدْ عني
وجريت عليه
كان نفسي لو آخده في حضني
نفسي يجاوب مطلبي
نفسي أقوله يانبي
دثّرني زمّلني
كمان رقيني واحميني
كمان انصحني علمني
دنا جسمي بدا ينمل
قال الرسول اوعاك تخاف اوعدني تتحمل
اقرا ياسين وسورة المزمل
رتل ورايا وبعدي كمل
يا أيها المزمل


يا أيها المزمل
قم من فراشك ..ليه تخاف
جبريل أتى بالوحي والأعراف
أصرخ في مكة الله أكبر
كل الآيات حواليك أهي تتشاف
انظر لتتأم
ليا أيهاالمزمل
أهجر كهوف خوفك
اوعى البكا يشوفك
علق مشانق للعيون اللي بتبكي في الصحا والنوم
بكفايه نوم
امتى بقى هنقوم
يا أرضنا يا تمر حنة
إي والنبيدنا نفسي أتحنى
لمي غنا نايك على شفتك
هيا اسمعي راح اقول على إسمك
على صفتك
ضحك البلابل قد طرح مواله جوايا
يا أحلى محكايا
إديني حكّيوه
واديكي غنيوه
عن حلم جوايا بيتجمل
وعنيه هترتل
يا أيها المزمَّل

إوعى تخاف تأمل
يا أيها المزمِّل
إنهض وقوم كمل
يا أيها المزمل


هناك 7 تعليقات:

fawest يقول...

بحبها القصيدة دى

من غير عنـــوان يقول...

شكرا على هذه المشاركة الطيبه من إنسان جميل أعرفه شخصيا

أسما عواد يقول...

فاوست
شكرا لمرورك الكريم
القصيدة جميلة بالفعل

أسما عواد يقول...

من غير عنوان
اسعدني تعليقك في مدونتي المتواضعة

Unknown يقول...

السلام عليكم
ورحمة الله تعالى وبركاته
شكرآ لكِ فقد عرفتنا
بشاعرجميل وموقع
جميل ايضآ
استمتعت
به جدآ

blue-wave يقول...

الله على الكلمات الرائعه

أسما عواد يقول...

norahaty

biue_wave
سعدك بزيارتكما لمدونتي القصيدة جميلة بالفعل ولكن لو سمهت اداءها من الشاعر نفسه لأحببتها أكثر وأكثر
أول مرة سمعتها بصوت الشاعر في برنامج تلفزيوني ولم استطع ان انساها